إهداء الى ست الحبايب

عِفْتجْ يَيُمه ورحِت
وحسبالي تنتظرينْ

تاليها كبل الفرج
بالجفَنْ تلتفينْ

إشلون والدتي أعتذرْ
يالجِنتي فوك الظيم تعتذرينْ

إتذكريني لو مر هوى
وحَرّكْلِجْ رموش العينْ

أفضالج إشكدهن عَلي
ياشمعه ماتطفين

تدرين آنه إشصرت
أحسَنْ لَوَنْ ماتدرين

يايمه شَيبني الوَكِتْ
صِرت آنه بالسبعين

يايمه وشلون أعتذر
بس كونج اتْسمعينْ

يايمه أرد أعتذر
وأدري إشكثرْ تتحملين

عفتج بلا إوداع وسافرت
ودموعج إعله الخدين

ما جنت حاسب هل العمر
أثارنه بطرك يومين

يايمه فدوه إلج
كالولي إبحضن الموت وتكولين ؟؟

وليدي راح وما رجع
بحلك الموت وإتسألين

بلياج يارخصه العمر
يا كمرتي التضوين

أبجيج طول العمر
وليدي جاع ،وتغصين

يايمه أتذكرج بايام الحرب
إبباب الحوش تتربعين

إتسألين كل جندي يمر
إبني أشو ما إجه،
مرن عليه شهرين

أدري يايمه إشوكعج
وأدري إش جم موته إتْمُوتين

تحسبيلي بلكت أجي
وإكطعتي صار إسنين

إدعيلي يايمه أتوسلج
كَبْرج ما يوسع إثنين

شلتيني إبطنج عمر
إبنص كبر إتْبخلين

يحبيبه مشتاك إلج
أترجاج إبموتي علي تدعين

بلياج ما يسوه العمر
يمه أرجوج لا تقصرين

عفتج بلا وداع ورحت
وحسبالي تنتظرين

حسبالي تنتظرين

اللهم يرحم أمهاتنا ,, ويحسن اليهم ويجعل الجنه مأواهم گولوا

أمين
الله يحفظ كل أُم ويحفظلي امي امين

امي

عدد المساهمات : 1497 تاريخ التسجيل : 03/04/2010

عدد المساهمات : 854 تاريخ التسجيل : 01/03/2013

عدد المساهمات : 296 تاريخ التسجيل : 06/06/2010

zzzzz

يسلمو على الموضوع المفيد